جراح المهره بقلم فاطيما يوسف
كل حاجه اتوضحت قدامها وخدت الشرخ اللي هتعيش عليه طول عمرها ندمانه ومقهوره على التجربه المريره اللي عشتها معاه وقالت له
_ياه بقى رايح تتجوز على مراتك واحده اكبر منك في السن علشان تصرف عليك انا بجد اخذت صدمات في عمري منك عمري ما كنت اتخيلها طلعت احقر بني ادم على وجه الكره الارضيه
وراحت تافه في وشه .
مسح التفه بتاعتها من على وشه وراح عليها ومسكها من شعرها جامد وضربها على ضهرها وعلى بطنها وقال لها بفحيح
_اه يا زباله يا اللي ما تربتيش تصدقي انا الغلطان اللي لحد دلوقتي عايش مع واحده زيك يلا بره من هنا انتي طالق يا زباله .
وراح طاردها بره الشقه على حالها زي ما هي
وطبعا عمرو ما لوش كبير ابوه وامه ما بيقدروش عليه نهائي وهو الصغير الدلوعه بتاعتهم
و خرجت مهره وحالها لا يسر عدو ولا حبيب زي ما هي بشعرها المنكوش وبجسمها المضړوب وبوشها اللي علامات ايده عليها وراحت على جارتها واخذت منها جلابيه وطرحه وراحت على بيت ابوها بمنظرها اللي يقطع القلب واول ما شافتها مامتها قالت لها بخضة وهي بټضرب على صدرها من منظرها
_يا حبيبتي يا بنتي مالك فيك ايه ومين اللي عامل فيكي كده
تعالي ادخلي يانن عين أمك
وشدت ايديها امها ودخلتها وهي سانداها وواخداها من منظرها اللي يقطع القلب
وابوها اول ما شافها جري عليها واخدها في وسالها
_مالك يا مهره فيك ايه يا حبيبتي منظرك عامل كده ليه
مامتها عملت لها كوبايه عصير فريش وجابتها لها وسابوها تهدى شويه
وبعد نص ساعه وهم حاضنينها الاثنين وقاعدين جنبها مستنينها تتكلم بصيت لهم ودموعها نازله على وشها وقالت لهم
_انا جايه لك النهارده يا بابا وبعترف لك ان انا طلعت غلطانه وطلعت اغبى بني ادمه في الدنيا
طلعت اغبى بني ادمه علشان ما سمعتش كلام ابويا الراجل الكبير الفاهم والواعي وهو بينصح بنته وبيرشدها للطريق الصحيح ومشيت وراء دماغها ومشيت ورا الهوا الكذاب
راجعة لك وكلي ندم على كل لحظه قضيتها من غير ما اسمع كلامك وعارضتك فيها ووقفت قصادك ودافعت عن حقېر ما يستحقش اني ابيع دنيتي وحياتي الحلوه اللي عشتها في وسطكم علشان خاطره
راجعة لك يا بابا ومن حقك تضربني وتبهدلني وتعمل فيها ما بدالك علشان ما سمعتش كلامك
راجعة لك يا بابا وانا
ما املكش شيء حتى دهبي اللي كان جايبه لي واللي انت كنت مكمل لي عليه بعته كله علشان اكل واشرب وهو كمان ياكل ويشرب ويتكيف
راجعة لك يا بابا وانا مطلقه وهو متجوز عليا وطاردني من بيتي وجايب واحده اكبر مني وقدي مرتين ومنيمها في اوضتي وعلى فرشتي بكل جبروت
طردني حتى من غير ما يديني حجاب البسه على راسي بلبس البيت وشحتت حجاب من جارتنا اللي جنبي وشبشب علشان اعرف اجي لكم
شفت يا بابا انا وصلت نفسي لايه !
لدرجه من الانحطاط ما شفتهاش ولا هشوفها في حياتي .
قالت الكلام ده وفضلت ټعيط جامد وتشهق من العياط وابوها اټصدم من الكلام اللي نزل على قلبه زي الصاعقه وامها طبعا ما قدرتش تشوف دموعها واخذتها في وقالت لها وهي بتطبطب على ضهرها
_يا حبيبه امك يا ضنايا يا بنتي ده انت اتوجعتي وما كنتيش بتتكلمي وبعتي دهبك كله علشان تاكلي وتشربي وما تكلمتيش
وانضربتي واتهنتي وما تكلمتيش ولا جيتي فضفضتي لامك يا حبيبتي
ونزلتي تشتغلي مش زي ما كنت بتقولي عشان تتسلي لا علشان تاكلي نفسك وتشربي نفسك وتعلفي الحمار اللي كان عايش معاكي و كل
اما ابوها في عالم تاني خالص مش زعلان على طلاقها لا زعلان على بنته ونور عينه اللي اتهانت وانضربت وجاعت وانطردت
وبنته شافته ما تكلمتش ومسهم وفكرت ان هو متضايق علشان هي اتطلقت فقالت له بۏجع
_لو انت متضايق يا بابا ان انا اطلقت ورجعت لك انا ممكن ارجع اعيش معاه واستحمل علشان ادفع ضريبه اختياري .
راح عليها ابوها واخدها في وطبطب عليها جامد لما وصل لها احساس ان ابوها زعلان انها اتطلقت وقال لها بيشدد على باحتواء
_حبيبه ابوكي ده انت ربنا نجاكي من المرار اللي إنتي كنتي عايشه فيه مع المتخلف ده
هو انت فكرك ان انا ممكن اسيبك ترجعي للي ما يسواش ثلاثه تعريفه في سوق الرجاله ده والله ما بقاش راجل وشنبي ده على وشي اما جبت لك حقك منه تالت ومتلت .
قال لها الكلمتين دول وخرج من البيت راح على بيت عمرو وابوه
واول ما وصل قدام بيتهم كانت جيران قاعدين في الشارع على صوته في الشارع وقال
_يا حاج ابو عمرو يا راجل يا كبير يا اللي بتفهم في الاصول اخرج لي هنا في الشارع كده قدام الناس دي كلها ونتكلم عيانا بيانا
قال الكلمتين دول وكان معلي صوته والناس كلها انتبهت وفورا خرج ابو عمرو ومراته ومسكوه من ايديه وحاولوا يدخلوه علشان يتكلموا جوه مش قدام الناس لكن هو نفض ايديهم الاثنين وكمل بصوت عالي قدام الناس
_انا عايزكم تشهدوا يا ناس على اللي هقوله دلوقتي الراجل ده من سنه ونص اتقدم لبنتي ووعدني انها تبقى زي بناته بالظبط وقعد يبني لي احلام واوهام في الهوا هو وابنه
بنتي جايه لي
النهارده مكملتش سنه جواز وهي مطلقه وجوزها متجوز عليها وبايع ذهبها وكانت بتاكله وبتشربوا من شغلها ومن تعبها كان بيجي عليها ايام ما بتلاقيش الأكل تاكله
كان بيجي عليها ايام بتنام كل يوم معيطه من كتر الاهانه والضړب من الخسيس اللي كانت متجوزاه
هي دي الأمانه اللي انا سلمتها لك يا حاج
هي دي وعود الرجاله
اخص الرجاله ماټت في الحړب
ومش بس كده ده خرجها من بيتها من غير حجابها على راسها وحافيه وطردها طرده الكلاب
كل ده والناس عماله تسمع وټضرب كف على كف من اللي سمعوه من ابو مهره واللي يفطر القلب
وابو عمرو وامه واقفين كأن اندلق عليهم ميه زي التلج وعمالين يهدوا فيه ويقولوا له تعالى ندخل نتكلم جوه وهو ولا حياة لمن تنادي
وكمل ابو مهره وهو بيهددهم
_واللي خلق الخلق لا هرفع قضيه في محكمه الأسره وهجيب حق بنتي منكم وهروح حالا اخدها واعمل لها تقرير طبي بالإهانة والضړب
ومش بس كده ده انا هخلي اللي سلفتها تحجيبه وشبشب عشان تجي بيت ابوها تروح تشهد ان هو خرجها عريانه من بيتها وهعلمكم الأدب على أصوله ومش هستريح الا لما
اسجن لكم الحيله اللي خد بنات الناس وبهدلهم وما يعرفش قيمتهم
ان ما لففتكم كعب داير على المحاكم ما بقاش انا الحاج عبد الله السباعي ولا يبقى شنبي ده على وشي .
قال الكلمتين دول وراح سايبهم وماشي بعد ما الحته كلها اتفرجت عليهم وبقت تلوم فيهم وتتغامز وتتلامز عليهم
وفعلا ابو مهره اخذها وعمل لها تقرير ورفع قضيه في محكمه الأسره المحامي ظبطها له زي ما قال الكتاب
والمحضر طبعا جاب الوصل على بيت عمرو وابوه واول ما شافوه قلبهم طب في رجليهم وفورا ابو عمرو راح على بيت ابو مهره فطلب منه يقعد معاه ويحلو الموضوع ودي
فقال
_انا جاي لك النهارده يا حاج عبد الله علشان خاطر نحل الموضوع ودي وبلاش المحاكم واللي انت تؤمر بيه من الألف للياء انا تحت امرك .
ابو مهره كبرت في دماغه ان هو يسجنه يعني يسجنه ويخليه يدوق المرار اللي عيشه لبنته ورد عليه بكل قوه وقال له
_ده انت بتحلم ونجوم السماء اقرب لك انت وابنك
زي ما بنتي اتهانت وانضربت وكانت زي السجينه في شقتها واتبهدلت بهدله وهي كانت معززه ومكرمه في بيت ابوها ابنك نفس الحكايه هيشرب من نفس الكاس اللي دوقه لبنتي
واللي ما ربهوش امه وابوه تربيه الايام والليالي وهسجنه يعني هسجنه وخلي بالك محكمه الاسره دلوقتي بتدي للست حقها تالت ومتلت
ده لو هي هتطلق طلاق عادي اما بنتي بقى رايحه بتقرير مش عايزه اقول لك بقى ما يخرش الميه وابقى شوف بقى هتصرف على ابنك قد ايه في المحاكم وانا مصمم على رايي وهسجنه لك يعني هسجنه لك وابقى قابلني هناك .
قعد ابو عمرو يجيبه يمين ويجيبه شمال وابو مهره اللي في دماغه في دماغه ومش هيتنازل عنه ابدا وخرج وعدى كذا يوم وحاول ابو عمرو يبعت له ناس كبيره من البلد يحاولوا يتفاوضوا معاه وابو مهره اللي في دماغه في دماغه مش هيتنازل عن انه يتسجن
وعدت الايام والقضيه شغاله زي ما هي والاثنين مهره وعمرو واقفين قدام القاضي فالقاضي بيسالها
_هل يا بنتي جوزك ده ضړبك واهانك ورمى عليكي اليمين
ردت مهرة على القاضي بكل قوه وابوها ساندها وقالت له وهي پتبكي بتأثر لما افتكرت الأيام السودا اللي كانت عايشاها
_انا يا حضره القاضي مش انضربت بس لا ده انا جعت واتعريت واتهانت وده ما يرضيش ربنا ابدا واتجوز عليا واحده أكبر مني على سريري وعلى فرشتي وطردني من بيتي عريانه بعد ما كسر لي ضلوعي من الضړب والتقرير اللي قدام حضرتك بيقول كده فانا عايزه حق منه وبس مش عايزه اكثر من كده .
وطبعا القاضي استدعى الشاهده اللي شافتها وهي خارجه من بيتها عريانه وشهدت بالحق ما رضيتش تشهد بالزور ابدا
والتقرير اللي كان عامله المحامي بتاع مهره كان مترتب وما فيهوش ثغرات ابدا فاتحكم على عمرو بالسجن لمده اربع سنين
وحكموا لها بكل مستحقاتها والقايمه وكل شيء
وطبعا عمرو قعد يعيط ويوولول وما كانش متخيل ان الحاله هتوصل بيه للدرجه دي
واخذت مهره كل مستحقاتها الماليه وعزالها وقايمتها واتقفلت صفحه عمرو للأبد بعد ما ابوها وقف جنبها وجاب لها حقها
ورجعوا البيت واخذها ابوها في وهو بيقول لها
_انا دلوقتي استريحت يا حبيبتي لما جبت لك حقك وسجنته زي ما عمل فيكي
خليه يجرب عڈاب السچن ومراره عشان يعرف ان الله حق وحاجتك انا هحطها لك في الشقه اللي فوق واقفل عليها وفلوس مؤخرك ودهبك هعينهم لك باسمك في البنك وربنا يخلف عليكي يا بنتي بالخلف الصالح ويرزقك السعاده ويعوضك عن الشقي اللي إنتي عشتيه في السنتين دول .
وعدت الايام والشهور ومهره حابسه نفسها في البيت ما بتخرجش منه
وفي يوم قاعدين هي وامها وابوها وعرضت عليها امها وقالت لها
_ايه رايك يا مهره ترجعي تشتغلي تاني في المعمل اللي إنتي كنتي شغاله فيه وتفكي عن نفسك يا بنتي بدل الحپسه اللي انتي حابسه نفسك فيها دي وتخرجي وتشوفي الناس والناس تشوفك .
ردت عليها مهره وهي فرحانه والإبتسامة شقت وشها وما كانتش تقدر تطلب الطلب ده وهي دلوقتي بقت مطلقه وقالت لها
_بجد يا ماما انا
رد عليها أبوها بابتسامه وقال لها بحنان وهو حاضنها
_وأبوكي يرفض ليه يا حبيبتي هو إنتي كنتي عملتي چريمه ولا عملتي چريمه
انا مش من الأبهات اللي دماغها مقفله واللي تقول المطلقه ما تخرجش من البيت لا يا حبيبتي اخرجي واشتغلي واتعلمي وعيشي حياتك إنتي لسه صغيره وفي عز شبابك واذا كان على تجربتك اللي فاتت ساعات ربنا بيبعت لنا اختبار علشان يشوفنا هنصبر ولا لا ويختبر ايماننا فده مش اخر الكون عندك
ربنا بيخلق لنا من وسط المحڼ منح وكل حاجه مفكرينها انها هتضرنا وانها وحشه لينا ساعات بتبقى كل الخير وانا واثق ان ربنا هيعوضك العوض الجميل اللي هيفرح قلبك ويرزقك السعاده يا حبيبتي .
فرحت مهره من كلام ابوها وحست بالأمل في حياتها ورجعت اشتغلت في المعمل تاني وقدمت على رساله الماجستير وبدأت حياتها ما بين الشغل والدراسه وروحها اتردت لها تاني
وعدى كذا شهر على مهره وهي بتذاكر مجتهده جدا وشهر ورا شهر ورا شهر لحد مامر عليها سنه ونص وجه ميعاد مناقشه الماجستير بتاعتها
وكان ابوها وامها واقفين جنبها ومسندينها لحد ما المحاضر قال لها نتيجه الماجستير امتياز مع مرتبه الشرف
جريت أمها عليها وقالت لها
_مبروك يا حبيبتي مبروك يا دكتوره مهره
تلبق لك الدكتوراه والله يا جميله الجميلات .
وأبوها راح عليها ودموع الفرحه في عينيه وقال لها
_الف مبروك يا احلى دكتوره في الدنيا وان شاء الله الدكتوراه عن قريب يا حبيبه ابوكي
يا اللي مشرفاني ورافعة راسي .
وعدت الايام على مهره وقدمت في رساله الدكتوره على طول وبتذاكر بكل جهدها واثناء ما هي قاعده في معمل التحاليل ماسكه مرجع بتراجع فيه دخل عليها واحد مسند مامته
قامت عليهم مهره بوشها البشوش ومسكت ايديها وقعدتها على الكرسي وقالت لها
_الف سلامه عليكي يا حاجه اقعدي استريحي الأول وخدي نفسك .
ابنها اول ما دخل وشاف مهره قلبه دق دقات شديده من اول نظره بص لها فيها ولما سمع صوتها ورقتها وهي بتتكلم داب وفضل متنح لها لحد ما سمعها وهي بتسأله
_لو سمحت يا باشمهندس عماله اسالك التحاليل ايه الحاجة عايزاها وانت مش هنا خالص .
بص لها بتوهان ورد عليها بابتسامه خفيفه وقال لها
_معلش حقك عليا انا اسف يا انسه ما اخذتش بالي والله هي عايزه تعمل تحليل ډم كامل .
قال لها الكلمتين دول وهو متنح لها وباصص في عينيها ومش قادر ينزل عينه من عليها شكل ما يكون عيونها أسرته وملامحها بيحفرهم جواه كل ده في دقائق بس من ساعه ما دخل
وعملت مهره التحاليل وطلبت منه ان
هو يجي بالليل يستلمها
فهو طلب منها الرقم الخاص بيها او بالمعمل علشان خاطر قبل ما يجي يشوف جهزت ولا لا
وهي اديته الرقم الخاص بتاع المعمل
وهي بعد اما خرج كلمت نفسها وقالت
_هو ايه البني ادم ده من ساعه ما دخل وهو سرحان وغريب بجد ما شفتش حد كده قبل كده .
وبعدين كملت شغلها المعتاد بعد كل تحليل وقعدت تذاكر وبعد اربع ساعات رن التليفون فرديت عليه وقالت
ايوه السلام عليكم
مين معايا
اول ما سمع صوتها فارس قال لها بتلقائيه
_يا نهار ابيض يعني الرقه مش في الشكل بس ده طلعت في الصوت كمان .
بعدت مهره التليفون عن ودانها واستغربت من الكلمتين
_ نعم يافندم
فاق فارس من كلامه وسرحانه وقال لها
_انا بتاسف جدا
