جراح المهره بقلم فاطيما يوسف
بسم_الله_الرحمن_الرحيم
لاإله_إلا_الله_سبحانك_اني_كنت_من_الظالمين
اسكريبت جراح المهرة
بقلمي فاطيما يوسف
قاعده مهره في معمل التحاليل اللي هي شغاله فيه وبتكلم حبيبها اللي بتحبه في التليفون بتقول له
_هتيجي تقدم لي امتى يا عمرو انا قلت لماما زي ما احنا ما متفقين هتبعت بقى مين يكلم بابا الاول قبل ما تيجوا
رد عليها عمر وهو قاعد في الاوضه بتاعته
_ان شاء الله هبعت عمتي النهارده تكلم والدتك وتطلب منها ايدك يا حبيبتي .
ردت عليه مهره بفرحه وقالت له
_ايه اخيرا يا عمرو حلمنا هيتحقق وهنتخطب بعد حب سنتين .
جاوبها عمرو بنفس الفرحه بتاعتها وقال لها
_انا كمان مبسوط جدا يا حبيبتي بس خاېف ان باباكي يكسر فرحتنا احنا الاتنين ويرفض .
ابتسمت مهره بامل وقالت له
_وبابا يرفض ليه يا عمرو انت ما شاء الله شغال وعندك شقتك ونوعا ما حالتك الماديه مستقره ايه اللي هيخلي بابا يرفض !
اتنهد عمرو وقال لها وهو بيفسر لها مخاوفه
_خايف يرفض علشان خاطر فرق التعليم ما بيني وبينك انا معايا دبلوم وأنتي في الكليه اي اب مكانه هيتمنى لبنته عريس يكون مستواه احسن من مستواها في التعليم .
جاوبته مهره وهي بتنفي كلامه وقالت له
_لا يا عمرو ما تقلقش ان شاء الله بابا هيوافق ومش هيعترض طالما انا عايزاك وموافقه عليك اطمن انا هقول لماما تعرفه ان انا موافقه عليك وان انت اللي انا بتمناه ونفسي اكمل حياتي معاه .
اتنهد عمر واخذ نفسه وهو بيشرب السېجاره ورد عليها
_ياه يا حبيبتي انا بجد مستني اليوم ده بفارغ الصبر علشان تلبسي دبلتي في ايديكي والبس دبلتك في ايديا وتبقي ملكي قدام الدنيا بحالها .
وفضلوا يتكلموا هم الاثنين مع بعض في التليفون ويتفقوا هيعملوا ايه في الخطوبه ومش عاملين حساب ايه اللي هيحصل
وراحت عمه عمرو لبيت مهره تطلب ايديها وقالت لوالدتها
_ازيك يا ام مهره عامله ايه يا غاليه ليكي وحشه والله من بقالي كتير ما شفتكيش .
ردت ام مهر عليها وقالت لها وهي بترحب بيها
_انا بخير الحمد لله يا حاجة سألت عليكي العافيه نورتينا يا حبيبتي وشرفتينا .
ابتسمت لها وقالت لها برجاء
_انا جايه لك يا ام مهره في طلب عزيز عليا ونفسي ما تردنيش وانا خايبه الرجاء .
ردت عليها ام مهره وقالت لها
_اؤمريني يا ست الكل وانا عيني ليكي لو في ايدي حاجه اقدر اعملها لك هعملها لك اتفضلي يا حبيبتي .
طلبت منها وقالت لها على اللي هي جايه عشانه
_انا جايه اطلب منكم ايد الاموره مهره لعمرو ابن اخويا شاب مجدع وطول بعرض والله اكبر عليه شغال وصنايعي واد كسيب وعنده شقته .
ام مهره فرحت من جواها كاي ام متقدم لبنتها عريس وهي طبعا ما تعرفش عمرو ولا تعرف عنه اي حاجه هي عارفه بس عمته لانهم كانوا بيروحوا الطابونه العيش مع بعض فكانوا بيتكلموا مع بعض زي اي اثنين بيتكلموا فعلشان كده هي عارفاها
وقالت لها ام مهره بتمني
_هو انا طول اناسبكم يا حبيبتي لما يجي ابو مهره ان شاء الله هفتحه في الموضوع واللي فيه الخير يقدمه ربنا .
قامت عمته ناويه على انها تروح وقالت لها برجاء وتمني
_ان شاء الله ابو مهره هيوافق ومش هيكسفني وكلمتين حلوين منك كده في حق الواد عمرو ابن اخويا علشان نكلل الموده دين بالنسب يا حبيبتي .
ابتسمت لها ام مهره وودعتها وما فيش ساعتين وجوزها رجع من الشغل وفتحت معاه
_ بقولك ياأبو مهرة بنتنا جاي لها عريس بسم الله ماشاء الله شاب حليوة وشغال وصنايعي وعنده شقته عمته جات لي النهاردة وطلبت مني مهرة .
استمع لكلامها وسألها باستفسار
_ إبن مين ده ياأم مهرة علشان أسأل عليه
أم مهرة جاوبته علي كل أسألته إللي سألها بخصوص العريس ورد عليها
_ هسأل عليه الأول وأشوف إذا كان مناسب ولا لأ وبعدين نرد عليهم براحتنا .
وبالفعل سأل أبو مهرة عن عمرو كذا واحد وقالوا له إللي ميسرهوش أبدا فراح البيت ونده علي مراته وقال لها
_ دلوقتى ياأم مهرة أنا سألت علي الولد إللي متقدم لبنتنا ومن الآخر كده مش عاجبني خالص الولد بيشرب سجاير كتير ومن إللي بيمشوا مسقطين البنطلون ومش مستقر في شغله خالص بيروح الشغل يوم وبيقعد عشرة
وكمل وهو بيفهمها كل اللي عرفه
_ وكمان معاه دبلوم وهي في آخر سنة في الكلية
وانا عايز لبنتي واحد من مستواها التعليمي ويبقي راجل ملو هدومه كده مش عيل زي العيال التوتو بتاعت اليومين دول .
ردت عليه أم مهرة وهي مش مواقفه علي كلامه وقالت له
_ بس أنا سألت مهرة وأخدت رأيها وحسيت إنها ميالة والحاجات إللي إنت بتقولها كل شباب اليومين دول بيعملوها
بيشربوا سجاير وبيلبسوا علي كيفهم وعايشين سنهم
هو احنا هنحكم عليه من لبسه !
وعمته قالت لي كمان إنه شغال وكسيب فاتوكل علي الله وخلينا نفرح ببنتا الكبيرة والفرح يدخل بيتنا وقلبنا .
زهق ابو مهرة عليها وقال لها باستنكار
_ إنتي إزاي أصلا تقولي لها أنا منبه عليكي متجيبيش سيرة لحد عقبال ماسأل عليه زي مابنعمل كل مرة مالك كده المرة دي خيابانه كدة ومېته في العتبة
جاوبته أم مهرة وقالت له بتوضيح
_ عمته وأمه كويسين جدا وبعدين أبوه عنده أرض وورث وعنده شقته جاهزة يبقي إيه بقي إللي يخلينا نرفض
رد عليها بهدوء علشان يفهمها وجهة نظره وقال لها
_ هو الرسول عليه الصلاة والسلام قال من شروط الموافقة علي الجواز الورث والحيطان والشقة والعمة والأم!
ولا قال من ترضون دينه وخلقه
إحنا مش هنجوزها جوازة والسلام وتطلع زي البطيخة بالصدفة تطلع حمرا وبالصدفة تطلع قرعة
فخليكي ماشيه معايا علي نفس الخط ياأم مهرة علشان حياة بنتنا وعمرها ميضيعوش ورا سراب يتعبنا كلنا
وبعدين ايه اللي يخلينا نستعجل وندي بنتنا لواحد ناقص عنها في المستوى او مشكوك في اخلاقه مهره تستاهل احسن واحد في الدنيا ما شاء الله عليها جميله وعلى اخلاق ومتعلمه .
اقتنعت مراته بكلامه تمام الاقتناع وقالت له برضا
_خلاص يا اخويا اللي تشوفه انت تفهم عني وليك نظره في الامور اكثر مني بس هنعمل ايه مع مهره انا استشفيت انها موافقه عليه .
رد عليها ابو مهره وقال لها وهو بيقنعها
_عين العقل يا ام مهره كده حلو قوي دلوقتي قومي هاتيها لي وانا هتكلم معاها وهفهمها كل حاجه بهدوء ومهرة عاقله وكبيره وعمرها ما هترفض لابوها كلمه .
ندهت ام مهرة عليها وقالت لها تعالي علشان خاطر والدك عايزك وراحت مهره تشوف ابوها عايز ايه وقعدت قدامه فقال لها ابوها
_ايه رايك يا مهره في العريس اللي متقدم لك يا حبيبتي وقبل ما تقولي رايك عايزه اقول لك ان انا سالت عليه وعرفت ان هو مش ولا بد وما يليقش عليكي خالص زي العيال التوتو بتوع اليومين
دول بيمشي يسقط البنطلون وبيشرب سجاير ومش
اڼصدمت مهره من كلام ابوها واللي ما كانتش متوقعه ان هو يرفض ابدا بسبب طريقه لبس عمرو وما كانتش متوقعه
برده ان هو يعرف ان عمرو غير منتظم في الشغل وردت على ابوها وهي بتفرك ايديها
_انت سالت مين يا بابا وعرفت الكلام ده كله عمته لما اتكلمت مع ماما ما قالتش اي حاجه من الحاجات دي وبصراحه انا حاسه براحه من ناحيه الموضوع ده .
طبطب ابوه على ظهرها وهو بيقول لها بهدوء
_شوفي يا مهره يا حبيبتي انتي مهره الغاليه العاليه واللي ياخدك لازم يكون على اخلاق عاليه وتدين علشان يحافظ عليك وكمان هو معاه دبلوم وأنتي ما شاء الله عليكي هتتخرجي من الكليه وهتحضري رساله الماجستير على طول زي ما انتي بتتمني فسيبك من الموضوع ده خالص علشان انا مش موافق عليه نهائي إنتي اتقدم لك احسن منه قبل كده ورفضناه بسبب حاجات معينه ما تجيش ذره في الحاجات اللي انا عرفتها عن اللي اسمه عمرو ده .
مهره لقيت ان ابوها رافض تماما فما حاولتش انها تدافع عن عمرو او تقول اي حاجه لان ما حدش يعرف ان هي بتكلمه لو باباها عرف هيبهدل الدنيا فسكتت افضل لحد ما تشوف هي وعمرو هيعملوا ايه
وعدى كذا يوم وبلغت والده مهره عمه عمرو ان باباها مش موافق وان كل شيء قسمه ونصيب
وبعد كذا يوم كلمت مهره عمرو في التليفون وقالت له بحزن شديد
_انا متأسفه يا عمرو على رفض بابا والله انا قلت له ان انا مستريحه وموافقه وهو سال عنك وقالت ان انت مش منتظم في الشغل فعلشان كده هو رافض تماما الموضوع فانا عايزاك تخلي بالك من شغلك شويه وتروح على طول وتلتزم علشان خاطر لما تيجي تتقدم لي تاني بابا ما يرفضش .
اتأفف عمرو من كلامها لانه زعلان جدا بسبب رفض باباها وقال لها بحزن باين على صوته
_انتي ما تعرفيش انا مخڼوق قد ايه من ساعتها حتى انت رنيتي عليا من كذا يوم وانا ما ردتش عليكي بسبب خنقتي انا ما كنتش متخيل اصلا ان باباكي يرفض لأي سبب من الأسباب بجد انا نفسيتي تعبانه جدا يا مهره .
ردت عليه مهره وهي بتواسيه وبتعرفه انها عمرها ما هتسيبه ولا هتنساه وقالت له
_انا اصلا اللي ما تخيلش اني اتجوز غيرك ولا اني اعيش مع غيرك يا عمرو اعمل بس اللي بقول لك عليه وباذن الله بابا هخليه يسأل من بعيد لبعيد ويعرف ان انت بقيت ملتزم فيوافق باذن الله .
وفضلوا الاثنين يتكلموا مع بعض ويرتبوا هيعملوا ايه وفعلا التزم عمرو في شغله والناس بقت واخده بالها ان هو بقى يروح الشغل وملتزم جدا فيه
ورجع اتقدم لمهره تاني وابوها رفض لثاني مره بحجه التعليم بعد ما مهره اقنعت والدتها ان هو بقى ملتزم في شغله لكن باباها كالعاده راسه ناشفه ومش حاسس ان عمرو عريس لايق على مهره
وبعد رفضه لثاني مره كلمت مهره عمرو وهي بتقول له
_يا ترى يا عمرو هتتخلى عني وتسيبني ولا هتعافر عشاني انا مش متخيله ان انا ارتبط بحد غيرك او اسمي يرتبط باسم غيرك انا ليل نهار بحلم باليوم اللي يجمعنا سوا مع بعض في عشنا السعيد الهادي .
عمرو كان متغاظ من جواه بدرجه رهيبه بسبب رفض والد مهره ليه وبقي حاطط الموضوع عند في دماغه ان هو هياخذ مهره يعني هياخدها مش مش حب شديد في مهره لا ده حب تملك عمرو ما بيعرفش يحب وقال لها
_انت ما تتصوريش رفض والدك ليا لثاني مره چرح كرامتي قد ايه وخلاني
قالت له مهره وهي بتهديه وبتحاول تقنعه باللي بيدور في دماغها
_معلش يا عمر استحمل علشان خاطر حبنا يظهر للنور ونتجوز ونعيش مع بعض هنصبر شويه وتقدم ثاني ولعل بابا دماغه تلين والمره دي انا هقف قصاده وهقنعه وربنا يقدرني .
وعدت الايام وعدى كذا شهر ومهره بتحاول تقنع والدتها انها تكلم باباها وانها بتحب عمرو وموافقه عليه
وطلبت مهره من عمرو ان هو يجي ويقعد مع باباها بنفسه ويحاول يقنعه وهو سمع كلامها
وجه اليوم ودلوقتي عمرو قاعد مع والد مهره بيحاول يقنعه وبيقول له
_انت ليه رافض جوازي من مهره يا عم الحاج انا بحبها وبحب ادبها واحترامها ولو ما كنتش متمسك بيها ما كنتش اتقدمت مره واثنين وثلاثه ليه تقف في طريق سعادتنا طالما هي مرتاحه وانا مرتاح .
اڼصدم ابو مهره لما عرف ان هو عارف ان مهره مرتاحه عرف منين وساله
_انت عرفت منين ان مهره مرتاحه هو انت بتكلم مهره
اتلجلج عمرو وحاسس ان هو وقع في الغلط ورد على ابو مهره وقال له بتحوير علشان خاطر يطلع من الموقف وما ينكدش على مهره
_لا يا عم الحاج دماغك ما تروحش لبعيد مهره ما بتكلمنيش ولا عمرها كلمتني انا عرفت ارتياحها بالصدفه البحته من واحده صاحبتها تبقى جارتنا فما تظلمهاش وتظلمني انا دلوقتي راجل شغال ومنتظم في شغلي وعندي شقتي وشاري بالغالي وانت رافض ليه بقى
ابو مهره بقى محاصر من عمرو ومش عارف يقول له ايه لانه بيقول كلام سليم ان بنته فعلا مرتاحه وهم الاثنين عايزين بعض ومصممين على بعض وكل اللي في دماغه بالنسبه لهم هم الاثنين وهم فقال له
_معلش يا عمرو يا ابني سيبني يومين اقعد مع مهره واتكلم معاها وهديك الرد النهائي اللي لا راجعه فيه بعد كده .
وقام عمرو بعد ما حس ان خلاص قرب من اللي هو عايزه وقلبه حاسس من جواه ان النوبه دي ابو مهره هيستسلم للأمر الواقع وهيوافق
وبعد ما مشي قعد والد مهره معاها وقال لها وهو بيحط الصوره الكامله قدامها
_شوفي يا مهره انا طول عمري متعود عليكي عاقله وهاديه وراسيه
عمري ما شكيت في ذكائك فانتي متأكده يا بنتي ان إنتي عايزه ترتبطي باللي اسمه عمرو ده بعد كل اللي انا قلته لك
يا بنتي الراجل بتدينه واخلاقه مش بلبسه وشياكته ومنظره الخارجي فكري كويس وادي لنفسك فرصه لان ده جواز وعمر هتعيشيه فاختاري صح علشان يوم ما تعيشي تعيشي مرتاحه ورايقه البال وما تتعبيش في حياتك
علشان ما ترجعيش بعد كده ټندمي وتقولي يا ريت اللي جرى مكان انا ابوكي وليا نظره في الحياه وليا نظره في البني ادم اللي قدامي هتندمي
يا مهره اسمعي كلام ابوك يا حبيبتي .
مهره المره دي اتشجعت وقويت وقررت انها تدافع عن حب حياتها وكأنها ما سمعتش اي كلام من اللي ابوها قالوا وقالت له
_انا صليت صلاه استخاره يا بابا وحسيت بارتياح شديد فسيبني اخوض تجربتي بنفسي انا شايفه ان عمرو حد كويس جدا وهيحافظ عليا وهيحبني وهيخليني ملكه وبجد انا مرتاحه جدا جدا وعايزاه .
فقد ابوها الامل ان هو يقنعها ويخليها
ما تفكرش في اللي اسمه عمرو ده وترفضه وقعد يجيبها يمين
_انتي حره انا اللهم
