خطبة مؤقتة بقلم إيمان شلبي
البارت الاول
بس ديه تخينه ياماما ومش حلوه
مش حلوه ديه احلي من القمر وبعدين ايه يعني تخينه
هو بضيق بس انا عايز واحده تكون حلوه مش معقول همشي بيها قدام صحابي وهي حجمها أكبر من حجمي شكلي هيبقي ايه دلوقتي !
مامته باصرار فداء خلاص احنا عطينا لأهلها كلمه وبكره هنروح نتقدملها ..
فداء بعصبيه هو انا يعني مليش رأي ولا ايه
مامته بهدوء مين بس اللي قال كده ياحبيبي احنا هنروح نتقدملها وتتخطبوا فتره ارتحت كان بها مرتحتش يبقي كل شيئ قسمه ونصيب
فداء وانا ايه اللي يجبرني يعني اتقدم لواحده مش بحبها كل فوله وليها كيالها اكيد هتلاقي واحد زيها انما انا اتقدملها بتاع ايه انا جسمي رياضي وبشتغل في شركه محترمه واعرف بنات بعدد شعر راسي معقوله بعد كل البنات ديه اتجوز واحده تخينه شكلي هيبقي ايه قدام صحابي !
مامته بضيق صحابي صحابي صحابي عايز تقنعني يعني أن صحابك مش مرتبطين بناس فيها عيوب
فداء ايوه ياماما بس هما بيحبوا بعض واللي بيحب مش بيشوف العيوب
مامته وانت كمان كنت بتحب تسنيم وانتوا صغيرين
فداء بعصبيه وجنون ياستي كنت طفل وبلعب معاها واحنا صغيرين والأطفال بتحب اي حد يسليها
مامته بضحك تعرف ياواد يافداء انت مره ضړبت عيل عشانها تعرف الچرح اللي في حواجبك ده كان بسبب تسنيم
فداء باستغراب ورفعه حاجب بسببها !
مامته اه والله مره في عيل ضايقها في الحضانه واخد منها اللعبه بتاعتها وانت بقي اتعصبت وروحت عشان ټضرب الولد ده قام مجمع صحابه كلهم ورنوك علقھ انما ايييه اورجانك ...
فداء بسخريه لا كنت حمش اوي بروح اهلي
مامته بقولك ايه انا رايحه انام دلوقتي وانت اعمل حسابك بكره حضر اوتفيت حلو كده عشان تشرفنا قدام أهل العروسه انت عارف أننا صحاب ومشوفناش بعض من زمان عايزاك تشرفني ...
فداء اوتفيت! الله يرحم
مامته اتلم ياواد ديه البت سلمي أختك هي اللي علمتني كل شويه تقولي انا رايحه احضر اوتفيت للكليه ماشاء الله عليها مش فالحه غير في اللبس تيجي تسألها في حاجه في المنهج تعمل عبدو الاهبل ...
فداء بفخر تربيتي طمر فيها التربيه البت ديه
مامته وهي بتلوي جانب فمها تربيه طين علي دماغك ودماغها انا داخله اتخمد ..
فداء تصبحي علي خير ياست الكل بټموت فيا
خرجت مامته من الاوضه وهي بترطن كالعاده وهو اتنهد بضيق وخرج البلكونه يشم شويه هواء ..
فتح الفون بتاعه علي صورتها وهو بيكلم نفسه بحيره ايوه يعني فين وشك من قفاكي برضو الصوره عباره عن خدود والله مش فاهم انا امي بتعمل فيا كده ليه انا لو مش ابنها كانت نقتلي عروسه افضل من كده ...بقي ده منظر ...هو انا منكرش يعني أن وشها فيه القبول ...وعين خضراء وبتاع بس برضو تخينه ديه شويه وهتنافس الفيل يعني انا دلوقتي هنام فين ده السرير الواحد مش هيكفيها ديه عايزه اتنين جنب بعض ....
انت بتكلم نفسك ياض
فداء وهو بيلف لمصدر الصوت انتي ايه اللي
سلمي بقرف كلمني بأسلوب افضل من كده عيب
فداء طب يالا ياماما يالا من هنا
سلمي احم لا مانا كنت عايزه منك طلب
فداء باستغراب خير في ايه محتاجه فلوس
سلمي بمزاح ياعم روح انت عايز اللي يديك انت داخل علي جواز وهنبل الشربات ..
فداء بقرف بتفكريني ليه بالعروسه اللي امك جيباهالي ديه
سلمي بلهفه تسنيم جميله والله ديه عليها لدغه قمر زيها ولا عيونها ولا لون شعرها ياواد ده انت هتجيب عيال أجانب وربنا البت فلقه قمر ..
فداء بضيق ماشي مقولتش انها وحشه بس جسمها انتي شوفتي جسمها عامل ازاي
سلمي يعني يافداء هي مش تخينه اوي
فداء بسخريه اه اومال ايه انا اللي تخين
سلمي احم عموما انت هتشوفها وصدقني هتحبها ..ماما قالتلي أن وانت صغير كنت بتحبها اوي وبتقول لما نكبر هنتجوز أنا وتسنيم بس هي اللي سافرت مع اهلها بقي بتقولي انك زعلت اوي وفضلت فتره كبيره تعبان بسببها ...
فداء ماشي طبيعي يعني كنت طفل واي طفل لما بيتعلق بحد بيتعب لما الشخص ده يختفي فجأه ...
سلمي بثقه بس صدقني انا واثقه انك هتحبها ثق
فيا
فداء خۏفت اكتر
سلمي صاحبي وحبيبي وكفاءه
فداء هههه طب كنتي عايزه ايه يالمضه
سلمي تعرف القميص الابيض في اسود الكاروهات بتاعك
فداء باستغراب اه ماله
سلمي يلزمني
فداء ليه يعني مش فاهم
سلمي بصراحه كده يعني شوفت واحده صاحبتي لبساه النهارده علي تيشرت ابيض عجبني قولت ايه بقي قولت اكيد اكيد لو طلبته من فداء اخويا مش هيرفض عشان هو اخويا حبيبي وميبخلش عليا ابدا
فداء بابتسامه صفراء طبعا
سلمي بفرحه اخويا اوي
فداء بقولك ايه شايفه الباب اللي هناك ده
سلمي اه ماله
فداء وهو بيزقها يالا ياحبيبتي خدي بعضك واخرجي منه
سلمي بقرف يعني افهم من كده انك مش هتديني القميص
فداء عليكي نوووور
سلمي تمام عموما انا كرامتي متسمحش اني اطلب منك الحاجه اكتر من مره
فداء جدعه
سلمي أنا هسرقه عشان كرامتي
قالت جلمتها وخرجت وفداء واقف يبص لآثرها بذهول
شكلي حلو ها شكلي عامل ازاي الفستان مخليني تخينه ولا مرفعني طب الميك اب ...الميك اب حلو ولا مغمقني ا..
اختها بمقاطعه تسنيم ياحبيبتي مالك انتي اول مره تبقي متوتره كده
تسنيم وهي بتفرك ايديها بتوتر خاېفه خاېفه اوي يالمار
لمار خاېفه من ايه بس ياحبيبتي
تسنيم وعينيها مليانه دموع خاېفه معجبش فداء انتي مشوفتيش البنات اللي متصور معاهم علي السوشيل ميديا كلهم حلوين ومفيش ولا واحده فيهم جسمها مليان حتي تخيلي بعد كل البنات اللي يعرفهم دول يشوفني اكيد هيرفض وانا مش هستحمل يالمار مش هقدر استحمل رفضه ليا ده غير انك عارفه اني بحبه من زمان من وانا صغيره وحتي لما سافرنا منستهوش انا خاېفه يرفضني يالمار خاېفه ساعتها مش هستحمل صدقيني انا بحبه مش هقدر اتخيل أنه يكون مع واحده غيري أبدا
لمار بحنان وهي بتطمنها أن كل حاجه هتكون كويسه
تسنيم وهي بتاخد نفس طويل وبتبتسم باهتزاز خير خير ان شاء الله
لمار بتشجيع يالا نطلع بقي عشان هما مستنين يشوفوكي
تسنيم بتوتر ي يالا
خرجت تسنيم وهي حاطه وشها في الأرض وماسكه في الفستان بتاعها وكأنها لو سابته هتقع من التوتر والړعب ...
باباها تعالي ياتسنيم ياحبيبتي سلمي
ام فداء بلهفه تسنيم بسم الله ماشاء الله بقيتي زي القمر
فداء بخفوت قدرت تسمعه تسنيم قصدك زي العجل
راحت سلمت عليها وهي حاسه قلبها اتشق نصين لما سمعت كلام فداء ...
باباها سلمي علي فداء فاكراه!
تسنيم وهي بتبصله بتحدي وقرف لا مش فاكره
فداء ببرود ولا أنا وحتي لو لما بنكبر اشكالنا بتتغير
تسنيم بابتسامه صفراء اكيد ده حتي وانت صغير كنت احلي
فداء ببرود اكبر وانتي كمان
تسنيم بغرور مصطنع اه عارفه اني لما كبرت بقيت احلي
فداء بسخريه وخفوت واخده مقلب في نفسها ..
ابو تسنيم بتوتر ط طيب ياجماعه نسيب العرسان شويه مع بعض
وافق الجميع علي كلامه وثواني وكان
المكان خالي مفيش غير فداء وتسنيم اللي قعدت علي كرسي بعيد عن فداء وهي بتحط رجل علي رجل بكل برود وكأنها ملكه جمال ! ....
فداء وهو بيبصلها من فوق لتحت برفعه حاجب علي فكره عيب كده
تسنيم ببرود وهي بتهز رجلها ايه هو اللي عيب
فداء بغيظ عيب تحطي رجل علي رجل وانا قاعد
تسنيم بابتسامه صفراء وهي مازالت بتهز رجلها سوري بس ديه قعدتي المفضله
فداء بعصبيه وصوت واطي انتي مالك واخده مقلب في نفسك كده ليه
تسنيم ببرود ورفعه حاجب والله انا حره
فداء بغيظ طب بصي بقي يابت الناس انا الجوازه ديه مش بالعها ولا بالعك انتي من الاساس بس محبتش اكسر بخاطر اهلي احنا هنتخطب شهر واحد هو شهر وبعديها تقول اننا متفقناش وكل واحد يروح لحاله وفي خلال الشهر ده لا تقوليلي رايح فين ولا جاي منين ولا بتكلم مين ولا قاعد مع مين انا حر وكذلك انتي كمان حره ...
تسنيم وهي بتبصله بتحدي وابتسامه بارده مرسومه علي وشها بالرغم من البراكين اللي جواها والقهر
اوكي بس مترجعش ټندم وتقولي انا بحبك
فداء بسخريه هه احبك ايه يابنتي هو مفيش هنا مرايات ولا ايه !روحي شوفي نفسك في المرايه وتعالي اتكلمي قال احبك قال ده انا اخاڤ امشي جنبك يفتكروكي امي
تسنيم
ببرود نعتبره رهان
فداء وهو بيبص في عيونها بتحدي نعتبره رهان اوعي بس انتي اللي تقعي في حبي
تسنيم بضحكه صاخبه هههههههه روح شوف نفسك في المرايه ايه ده ايه القميص اللي شبه قميص جدي ده ولا الشراب انت لابس الشراب لون القميص يابني الموضه ديه قدمت من زمان ايه ده كمان شعرك سايح كده ليه انت لازقه بأيه !
فداء بعصبيه وغيظ احترمي نفسك
تسنيم وهي بتبصله ببرود وتحدي وان محترمتش هتعمل ايه ياتري
كان لسه هيرد عليها بس
ها ياولاد ايه الاخبار نقول مبروك
تسنيم وفداء في صوت واحد اه
بصوا لبعض بتحدي وابتسامه صفراء وكأن كل واحد بيقول للتاني انا اللي هكسب الرهان وهتشوف ...
ثواني ودخل الكل وتوالت المباركات من حواليهم وتسنيم راسمه ابتسامه مزيفه علي وشها وجواها پتنهار بالمعني الحرفي ...
تسنيم وهي بتحاول تمسك دموعها ط طب ياجماعة بعد اذنكم انا داخله اجيب حاجه من اوضتي وراجعه ..
قالت جملتها ودخلت بأقصي سرعه وكأنها بتسابق الريح ..دخلت الأوضه وقفلت الباب وسندت ظهرها عليه وهي بتتنفس بسرعه وبتسمع لدموعها اللي كانت محپوسه انها تخرج ....
قعدت علي الارض وهي بټعيط بصمت نفسها تصرخ بأعلى صوت نفسها الأرض تتشق وتبلعها ...نفسها تنعزل عن اسوء مجموعه بشريه عايشين فيها ....
اخدت نفس وهي بتحط ايديها علي قلبها اللي حطمه فداء بكلامه وكأنه جاب خنجر مسمۏم ودبه في قلبها بلا رحمه
تسنيم تسنييم انتي بتعملي ايه جوا
مسحت دموعها بأقصي سرعه وقامت وقفت وهي بتقول بصوت مبحوح ثواني خارجه
لمار بخفوت تسنيم انتي كويسه
فتحت تسنيم الباب وعيونها حمراء من كتر الدموع وهي بتشد لمار لجوا وبتقفل الباب وهي بټعيط بحرقه ...
لمار بقلق تسنيم مالك ياحبيبتي انتي كويسه تسنيم ردي عليا
تسنيم بدموع ا انا عايزه اعمل العمليه يالمار ع عايزه اعمل عمليه تكميم المعده
يتبع
البارت الثاني
انت يازفت انت يا آخره صبري قوم فز وكلمني ..
فداء وهو بيتقلب بضيق وبيفرك عيونه ايه في ايه ياماما علي الصبح
ام فداء بغيظ في ايه في انك متربتش
فداء لا اله الا الله ياستي أنا كنت مخمود !
ام فداء وهي بتضربه في كتفه بغيظ انت ليك عين كمان تبجح بعد اللي عملته امبارح مع تسنيم ياعديم المشاعر ...
فداء وهو بيلوي جانب فمه اااه تسنيم قولي كده بقي هي الهانم حكتلك!
ام فداء وهي بتشده من هدومه بعصبيه ليه وانت مفكرها راميه نفسها عليك يامحور الكون ولا ايه اه طبعا حكتلي وحكت لأهلها وأبوها اتصل الصبح وسمعنا كلمتين حقه الراجل مانت معندكش ډم وروحت هينت البت حتي محترمتش أن احنا في بيتهم ...
فداء بعصبيه انا معملتش حاجه هي اللي مش محترمه وشايفه نفسها تروح تشوف نفسها في المرايه كويس أن في حد رضي يتقدملها اصلا وكمان بتتأمر وبتروح تشتكي لأهلها والله بركه انا اصلا مكنتش بالع الخطوبه الهم ديه ولا بالعها كويس انها جت من عندها ...
امه وهي بتجز علي أسنانه بغيظ قسما بالله يافداء لو ملبستش دلوقتي هدومك وجيت معايا نعتذر للبت ولاهلها علي عملتك المهببه لانت ابني ولا اعرفك انت سامع !
فداء پغضب انا مش هعتذر لحد مش علي آخر الزمن هروح اعتذر لواحده زي ديه
امه وهي بتبصله من فوق لتحت هي اصلا متستاهلش تكون مع حقېر زيك عشان هي قلبها نضيف من جوا مش خبيثه زيك ياحيوان من هنا ورايح لسانك ميخاطبش لساني اتفو علي تربيتك انا اللي دلعتك زمان بس انا
قالت جملتها وخرجت من الأوضه وهي بترطن بعصبيه
فداء وهو بيبص قدامه بغيظ وشړ قال اروح اعتذرلها قال بقي علي
