الجزء الثاني والاخير من عشقته ولم أدري بقلم إسراء ابراهيم
الجزء الاخير
عشقته ولم ادري
دخل حسن ابو يقين اللي جريت عليه بلهفة
حسن بدموع حقك عليا يا بنتي منه لله هو اللي بعدني عنك وهو اللي هددني باخواتك عشان اوافق اجوزك ليه حقك عليا يا نور عيني
يقين بدموع انا كنت عارفة انك غصب عنك يا بابا وحاجة زي دي متوقعة من مالك كان قلبي حاسس ان غصب عنك وانا مسامحاك يا بابا
حسن بقهرة علي عيني يا بنتي اني اسيبك ليه وانا عارف باللي كان بيعملو فيكي حقك عليا
يقين بابتسامة من بين دموعها خالد هو اللي انقذني منه يا بابا مهما عملت مش هوفيه حقه واللي عمله معايا
خالد بص ليقين وابتسم وقالها دي مش اخر الاخبار الحلوة يا يقين
يقين بفضول في تاني اخبار حلوة قول يا خالد الله يخليك قول بسرعة
خالد بابتسامة القاضي حكملك بالطلاق مبروك انتي بقيتي حرة
يقين صرخت بفرحة
افكار بابتسامة الف مبروك يا حبيبتي ربنا يسعدك كمان وكمان ويبعد عنك الشيطان ده قادر يا كريم
يقين بفرحة انا مهما عملت مش هقدر اشكركم علي كل اللي عملتوه عشاني انا بجد لو لفيت الدنيا مش هلاقي ناس تحبني وتخاف عليا زيكم
خالد بابتسامة طب ايه مش هناكل
يقين بفرحة طبعا حالا والاكل هيكون جاهز يلا يا فرح
بعد الاكل كانو قاعدين كلهم مع بعض بيتكلمو وبيضحكو ويقين كانت من وقت للتاني بتبص لخالد بتوتر
حسن بابتسامة مش يلا يا يقين يا بنتي
يقين بهدوء عندك حق يا بابا كفايا كدة يلا بينا
فرح بزعل اخس عليكي يا يقين عاوزة تسيبيني ده انا اتعلقت بيكي
يقين بابتسامة منا مش هسيبك وهجيلك علطول بس فعلا كدة كتير وانا بقالي كتير هنا وكفايا ان خالد سايب البيت ليه شهرين بسببي كفايا عليه كدة
خالد بسرعة لا ملكيش دعوة بيا انا اصلا اغلبية شغلي مأموريات فببات برة لو حابة تفضلي هنا خليكي
يقين بابتسامة معلش شوية كدة وشوية كدة وانا اكيد هبقي اجي لاني بقيت اعتبركم اهلي فمش هسيبكم بسهولة
خالد بثقة وانتي كمان بقيتي واحدة مننا وفي اي وقت تيجي البيت بيتك
يقين بابتسامة اكيد يلا يا فرح تعالي ساعديني الم حاجتي
فرح بحزن حاضر يلا بينا
دخلت يقين وفرح الاوضة وبدأت يقين تلم هدومها
يقين بتردد بقولك يا فرح تفتكري خالد كان مضايق من وجودي الفترة دي
فرح بتلقائية مضايق انتي متعرفيش خالد اخويا ده لو حد مش بالعه هيقوله في
ابتسمت يقين بتلقائية اول ما سمعت كلام فرح وفرح كانت متابعاها باستغراب
فرح بضيق ايوة انتي فرحانة انك هتمشي مع ابوكي وانا بقي اتفلق مش كدة
يقين بسرعة لا طبعا متخافيش انا اصلا هتلاقيني كل يوم هنا اصل انا بقيت قدركم بقي
فرح بابتسامة ياريت يا يقين انا بجد اتعودت عليكي ونفسي تعيشي معانا علطول
يقين سرحت في كلام فرح وردت بتنهيدة ياريت يا فرح ياريت
فرح بشك بت انتي مالك كدة مش علي بعضك عاملة زي اللي بيحبو جديد
يقين بتهرب احب ايه انتي هبلة يا بنتي علي اساس اني واحدة طبيعية مش لسة خارجة من سجن ابدي بطلي هبل ويلا بينا
فرح باستغراب يلا ياختي يلا ربنا يستر
عدي تلات شهور كانت يقين دايما بتروح لفرح وفرح بتروحلها وكانت يقين فرحانة اوي بعلاقتها بافكار وحياتها الجديدة اللي حاسة انها بتعيشها من اول وجديد بس حياه من غير خوف كانت واقفة يقين قدام شقة افكار وبتخبط عالباب لحد ما فتحتلها فرح
فرح بحماس جيتي في وقتك تعالي في فيلم حلو اصلا اتأخرتي ليه
يقين وهي بتدخل من باب الشقة عشان المواصلات تخيلي
سكتت يقين وهي شايفة بنت غريبة قاعدة جمب خالد اللي قاعد في الصالون
افكار بابتسامة تعالي يا يقين سلمي علي رؤي دي تبقي بنت اختي
يقين بابتسامة اهلا بيكي
رؤي ببرود اهلا ها يا خالد كمل بقي وبعد ما قبضت علي الواد اللي كان بيضايقني عملت فيه ايه
خالد بابتسامة وهو باصص ليقين
ازيك يا يقين انتي واقفة ليه اقعدي
يقين بضيق وهي بتقعد انا تمام
خالد استغرب رد يقين وكان بيبصلها باستغراب بس رؤي خلته ينتبه ليها وفضلت تتكلم معاه وتضحك وتهزر وهو كمان ويقين كانت قاعدة هتتجنن وبتبصلهم وهي حاسة انها مخنوقة اوي
فرح باستغراب مالك يا يقين ساكتة من اول ما دخلتي مش عادتك يعني
يقين بضيق مفيش انا هقوم اعمل شاي
فرح باستغراب طب استني طيب انا جاية معاكي
خالد بسرعة يقين ممكن تعمليلي معاكي
يقين بغيظ ممكن
قالت يقين كلامها ودخلت المطبخ وكان متابعها خالد باستغراب وبيسأل نفسه هي مالها بتكلمه كدة ليه
في المطبخ كانت بتعمل يقين الشاي بضيق وكانت متابعاها فرح باستغراب
فرح بشك ممكن اعرف بقي في ايه بالظبط ومالك مكشرة انهاردة كدة
يقين بضيق هيكون مالي يعني منا عادي
